La dì di Santu Ghjuanni

Ogghj è la dì di Santu Ghjuanni. Primma di tuttu auguri a tutti li Ghjuanni, Ghjuanna, Nanni e Ghjuanneddi :)
Cand'erami minori la sera innanzi di Santu Ghjuanni minnanna ci facìa sciuarà un monti chi dapoi la dì infattu primma di scì lu soli dìami scarragghjà; siddu v'aìa calche cosa suttu, frummiculi, babbai, chissa era la doti di lu futuru maritu o mudderi. Siddu no v'aìa nudda, tandu lu sposu sarìa statu poareddu, mischinu. La mattessi cosa si facìa liendi un fioccareddu in una fruedda di trivocia.
La sera si magnàa lu casgiu furriatu e no si bìa. A di notti pa la siti, siddu sunniàami calchiunu dendici a bì, chissu, o calchiunu cu lu stessu nommu, sarìa statu lu futuru maritu o mudderi.
Si facìani li fochi la sera, si brincàani e si facìani cumpari e cummari.
La matinata si magnàani tre chìi d'alba di ruda; dici chi facìa bè pa no timì.
Si facìani òci pa sanà li brusgiaturi e s'accapitàani umbè d'albi.
E umbè e umbè d'alti cosi si facìani la dì di Santu Ghjuanni, ch'era considerata una ciurrata piena di maìa.
E voi cosa v'amminteti?

Abbrìli, torra lu cani a cuìli

Abbrìli,
Torra lu cani a cuìli.

In abbrìli lu tempu è curiòsu palchì faci un pocu lu caldu e un pocu lu fritu e no si sa mai comu istissi.
Candu faci lu fritu abbeddu, a lu essu, puru lu cani, chi ghjà è dottu di stà fora, si ni torra a lu sò cuili.

Eu socu come lu mannali

Chista la dicìa umbè di olti babbu dapoi gustatu :-)
"Eu socu come lu polcu,
proppiu tali e cali.
Socu come lu mannali,
da chi magnu mi colcu"

La primma dì di branu

Pa la primma dì di branu vi oddu rigalà chistu dittu:

"Candu li preschi so pà fiurì,
so pari notti e dì"
Lu dittu poi dici ancora:
"Candu sò li preschi cotti
so pari dì e notti"

Bon cumenciu di branu :-)

Dura muru finz'a vultà culu

Candu faciani lu muru pudìa capittà chi no era fattu tantu bè. Tandu calchiunu dicìa:

"Dura muru, finz'a vultà culu".

Ca scugni lu meli si licca li diti

Arimani eru scugnendi meli e ca scugni lu meli cosa faci?
Si dè liccà pa folza li diti palchì lu meli chi v'è attaccatu è troppo bonu :-)

Pa lu mesi di malzu

Pa lu mesi di malzu proverbi vi n'à umbè.
Ogghj cumincemu cun chistu:

Malzu asciuttu, massaiu bruttu
Malzu siccu, massaiu riccu

Massaiu bruttu palchì siddu lu mesi di malzu era asciuttu si pudìa trabaddà lu tarrenu e dapoi si saria accapitatu lu tricu, chi tandu era la ricchesa più manna.

"No si poni resistì"

Pa la dì di Santu 'alintinu una puisia beddissima d'amori e passioni.

Bona lettura e bona festa!

Don Baignu Pes

"No si poni risistì"

No si poni risistì

chisti dui estremi folti:

lu ‘idetti è la me’ molti,

lu no videtti è murì.

Tutt’e dui violenti

sò l’estremi chi descriu

Molgu si t’agghju presenti,

si se’ assenti no viu:

di molti è lu disaffiu

pal parà o pal fugghjì.

Candu no ti ‘icu molgu

d’amurosa simpattia

e candu ti ‘icu tolgu

a punimmi in agunia.

Eu sì chi ti pudìa

in bon’ora cunniscì.

L’occhji toi a lu me’ cori

sò penetranti pugnali;

senz’iddi stocu a tutt’ori

cu una pena multali.

Ca’ di chisti dui mali

agghj’a vulé elegghjì.

Pal finì, gjacchì la molti

incontru in videtti o no

voddu murì middi olti

Basta a videtti però:

chi li to’ bedd’occhji sò

più d’amà che di timì.

No si poni risistì

chisti dui estremi folti:

lu ‘idetti è la me’ molti,

lu no videtti è murì.

"Centu capi, centu barretti"

Chi no semu tutti preccisi ghjà si sa.
Dugnunu la pensa, vesti e credi in modu diffarenti e umbè di olti no si resci a punì daccoldu tutti li capi.
Tandu si dici:
Centu capi, centu barretti!

"L'omu e lu tarrenu"

Agghju deccisu d'agghjunghì calchi cosa di nou in chistu blog, cussì aemu no solu proverbi ma puru alti cosi chi sò sempri di la Gaddura, come li mutti e lu magnà e alti cosi chi s'aggnugnarani in caminu :)

Ogghji cumincemu cu una poesia di Bastianu Sanna, cunnottu come Cucchjari.

Una poesia chi faedda di comu l'omu volarìa esse lu patronu di la tarra ma cussì no è e cussì no pò esse.

Bona lettura!

"L'omu e lu tarrenu"

Lu tarrenu di l’omu si ni ridi
candu dici ch’è iddu lu patronu
chi paricchji illa tarra sinni idi
patroni chi li dani l’abbandonu.
Cantu dispetti facini e istridi
pa un pezzu di tarra o malu o bonu
chi dugn’unu patronu vó istà
e di patroni la tarra non n’ha.

L’omu di cunsiderà mai v’ arrea
chi li tocca a paldì fundu e caparra
Paricchji tra frateddi sinni brea
e calchi volta ancora sinn’affarra
palchì dugnunu vó dì “tarra mea”
invecci è l’omu lu ch’è di la tarra
L’odiu e la fanfarra in chistu mundu
cunsumi tuttu in un fossu proffundu.

In chistu mundu pal patronizzà
l’omu mai pal sempri si manteni
chi paricchji la tarra autu n’à
di patroni a cal’anda e a ca’ veni
Lu tarrenu si lassa calcicà
e cu li frutti soi ci susteni
ma dachì veni l’ultimu minuttu
la tarra a supra e l’omu dà a suttu

Tuttu chiddu cumandu senza frenu
ch’aìa illa so’ ita acquìstatu
dapoi lu ch’è soiu è tuttu angenu
appena chi nill’esci lu fiatu
no sa chi dugna palmu di tarrenu
chissà cantu patroni ha cambiatu
e tutti ani lassatu la so’ palti
di li bè soi a gudissilli l’alti.

Si palti l’omu da chissa rasgìoni
si de’ cridé di nudda possidenti
chi l’omu ogghji pussedi un milioni
e dumani è patronu di nienti
Cesare, Carlo Magno e Napoleoni
erani ricchi ed erani potenti,
possidenti di Regni smisurati
però l’ani ancor’iddi abbandunati.

Ci so stati li ch’ani furatu
pal piddassi illu mundu perra e palti
e d’intaressu n’ani ammuntunatu
maccari a folza d’inganni e di falti
però dapoi tuttu ani lassatu
lu ch’era soiu e lu ch’era di l’alti
la palti soia risulta soltantu
setti palmi di tarra in campusantu.

L’omu cantu sta viu pensa e credi
ch’è tuttu soiu lu ch’ è cumandendi
invecci lu tarrenu chi pussedi
sinni dè ridì candu lu ’ntendi
Prima la tarra sta sutt'a li pedi
dapoi l’omu a la tarra s’arrendi
Patronizzendi l’omu è un lioni
però la tarra suttu sillu poni.

Paricchji chistioni di mal vessu
più di tutti faci l’omu avaru
par un palmu di tarra n’è suzzessu
dui frateddi d'ammazzassi tra paru
L’omu ingoldiziosu a lu ’ntaressu
mancu lu sangu soiu à cussì caru
Dapoi ancora avvaru e inguddossu
veni a paranni in un fundu di fossu.

Chiddu dossu di l’omu ben vistutu
culchendi in lettu soffici e adattu
veni dapoi in tarra sippillutu
e lassa a l’alti tuttu lu ch’à fattu
e la sò senda li dà pocu agghjutu
si li tocca scontà calche misfattu
di tuttu lu ch’à fattu a mala fidi
a diffindillu nisciunu v’è bonu

 Lu tarrenu di l’omu sinni ridi
 candu dici ch’è iddu lu patronu.

Bastianu Sanna, noto Cucchjari

"Ca s'aggrunda sutt'a la frasca..."

In chisti dì ch'è piuendi un pocareddu punimu un proverbio chi faedda di l'ea e di cà cilca un locu undi aggrundassi.
A volti succedi chi ci pari d'aè autu un locu bonu e invecci ci fala ea puru chì, anzi c'infundimu ancora di più!
Come candu cilchemu agghjutu e dummandemu a la passona sbagliata e anda a finì chi invecci di risulvì una cosa c'agattemu cu ancora più casini :)
Tandu si dici chi:
"Ca s'aggrunda suttu a la frasca, si pidda la chi pioi e la chi casca!"

Pa ligghjì tutti li proverbi cun Ca... sciaccia chici

Ca centu leppari curri...

Canti olti ci succedi cussì?
Chi cilchemu di punì infattu a umbè di cosi e dapoi no vi la femu a cumprinni manc'una?
Cussì è...
Ca centu leppari curri... manc'unu ni pidda!

Pà ligghì tutti li proverbi cu lu bistiamu sciaccia chici

"Cal'à la gana di lu pesciu si dè infundì la coda"

Per pescare bisogna bagnarsi almeno un po', così come per ottenere alcuni obiettivi sono necessari alcuni sforzi.
Nulla si ottiene senza fatica e i nostri nonni lo sapevano bene!
Cussì dicìani chi "Cal'à la gana di lu pesciu si dè infundì la coda"!

Pà ligghì tutti li proverbi cu lu bistiamu sciaccia chici

"Chici no ci n'à di padda pa l'asini"

Questo è un proverbio che mi hanno detto stasera e che oggi sento per la prima volta.
"Chici no ci n'à di padda pa l'asini"
All'inizio ho pensato fosse il corrispondente di "Non c'è trippa per gatti" e in effetti un po' lo è.
Il senso è che non c'è niente da mangiare per chi non fa niente.
Quindi... gente pigra state alla larga! :)

"Polcu nettu no ingrassa"

In questo periodo nel quale da tradizione c'è il rito de "l'ammazzatogghju di lu polcu" non può che venirmi in mente qualche proverbio avente come protagonista il maiale.
Animale fondamentale nell'economia degli stazzi, tanto che questa tradizione resiste anche oggi.
Questo proverbio naturalmente ha un doppio significato: non esiste un maiale pulito così come i bambini vanno lasciati giocare liberamente e sporcare per crescere sani :)

Pà ligghì tutti li proverbi cu lu bistiamu sciaccia chici

"Ca si n'anda senza cacciallu torra senza chjamallu"

Appena l'ho sentito ho subito fatto mio questo modo di dire e non potevo fare a meno di condividerlo con voi perchè secondo me è verissimo e meraviglioso.
Quante volte sarà capitato anche a voi?
A me tante!
L'ennesima prova che i detti degli antichi non sbagliano mai :)

Ca si n'anda senza cacciallu torra senza chjamallu!

Per leggere tutti i proverbi relativi a Chi... clicca qui

"Ca no à nudda di fa si pidda la ghjatta a pittinà"

Probabilmente fare le carezze al gatto ai tempi dei nostri nonni doveva essere proprio un lusso riservato a coloro che non avevano niente altro da fare.
Persone lontane dalla frenetica vita degli stazzi dove le cose da fare erano sì tante ma il tempo per divertirsi ed andare a trovare amici e parenti si trovava sempre!
Come era sacro il lavoro era anche sacro il riposo.
E si riusciva a trovare il tempo per tutto!
Perchè non ci proviamo anche noi? :)

Pà ligghì tutti li proverbi cu lu bistiamu sciaccia chici

"Più l'allisgiani e più alza la coda"

Quante ne conosco di persone così. E sicuramente ne conoscete anche voi; di quelle che più le tratti bene e più si danno arie e più hanno pretese.
Quando si comportano così sono proprio simili al gatto: più l'allisgiani e più iddu alza la coda!

Pà ligghì tutti li proverbi cu lu bistiamu sciaccia chici

"Ca scugni lu meli si licca li diti"

Avete mai provato ad estrarre il miele a casa?
Io ho avuto la fortuna di fare questa bellissima esperienza qualche mese fa e mentre lo facevo mi veniva in mente questo proverbio, visto che con non poco piacere mi leccavo le dita in continuazione :)
Se vi piace il miele vi consiglio di provarlo almeno una volta nella vita!

"Ca scugni lu meli si licca li diti!"

Come al solito c'è anche un significato nascosto.
Scoprilo cliccando qui!

"Ogghj sò li tre re..."

La festa dell'Epifania è chiamata in gallurese "Li tre re" e ricorda la visita dei re magi.
Nonna il giorno dice sempre:

"Ogghj sò li tre re
festa di solennitai.
Socu ghjuntu si mi dai
una tazza di caffè"

Auguri ancora :)

Per leggere tutti i proverbi sui mesi e le stagioni clicca qui 

Bon annu nou!!!

Chi l'annu nou vi poltia lu chi più disiceti! 

Bon annu nou!

Per leggere tutti i proverbi sui mesi e le stagioni clicca qui